Një sulm terrorist ka ndodhur mëngjesin e sotëm në Nice të Francës, ku një person i armatosur me thikë ka sulmuar në mënyrë barbare disa qytetarë, në ambientet e kishës Notre Dame de l’Assomption, duke shkaktuar vdekjen e tre personave dhe plagosjen e disa të tjerëve. Fillimisht në bilancin paraprak u raportuan dy viktima, ndërkohë që raportohet dhe një tjetër humbje jete.
Mediat franceze bëjnë me dijedy prej tyre janë ekzekutuar brenda ambienteve të kishës, ku një gruaje iu pre koka, ndërkohë që person ii tretë është sulmuar në afërsi të institucionit fetar.
Vetëm 10 minuta pas incidentit, autori u arrestua nga policia. Një operacion policor është ende duke u zhvilluar në zonë. Në Tëitter, Policia Nacionale u kërkon banorëve të Nicës që të shmangin kalimin në vendin ku ndodhi gjarja makabër.
Kryetari i Bashkisë së qytetit, Christian Estrosi, konfirmon se kemi të bëjmë me një sulm terrorist. Ndërsa ministri i Brendshëm Gérald Darmanin aktualisht po kryeson një takim emergjence për gjendjen e krizës nga Beauvau.
