Kylie Jenner është një ndër vajzat më të ndjekura në rrjete sociale dhe të qenit në qendër të vëmendjes, bukuroshja e ka përjetuar që në moshën 9-vjeçare nga pjesëmarrja tek “Keeping Up With The Kardashians.”
Së fundmi, ajo ka folur për një tjetër anë të saj që rrallë e shfaq para kamerave, raporton “Mirror”. Ndërsa po xhironte një tutorial për grimin e “Halloween” me James Charles në kanalin e tij në ‘YouTube’, ylli i reality show-t televiziv, pranoi se ndihej “e trishtuar” për shkak se nuk ishte në gjendje të tregonte personalitetin e saj të vërtetë.
“Mendoja se kam treguar personalitetin tim të vërtetë shumë kohë më parë në ‘Vine’ dhe ‘Instagram’. Por ndërsa rritesha, e kuptova …
Kur njerëzit zakonisht thoshin gjëra për personalitetin tim dhe atë që dua më shumë, kjo më lëndonte më shumë sesa të mos tregoja shumë anë të vërteta të vetes.
Kështu që fillova të tregoj më pak nga vetja, gjë që është e trishtë. Më trishton”- u shpreh ajo.
James u tregoi fansave të tij se sa e zgjuar dhe gazmore është Kylie, teksa kjo e fundit tha: “Ky është një kompliment më i madh për mua. Por është diçka që është kaq e shenjtë.”
Sidoqoftë, Kylie tha se dëshiron “të bëjë më shumë gjëra” në kanalin e saj në ‘YouTube’, për të treguar më shumë rreth personalitetit të saj.
