Tajfuni Molave ka mbërritur në brigjet jugore të qytetit Da Nang të Vietnamit mëngjesin e sotëm.
Vendi aziatik është përballur me reshje të dendura shiu dhe erëra të forta. Tajfuni Molave është cilësuar si një stuhi e kategorisë së 2, ku erërat kanë prekur shpejtësinë e 165 km/orë.
Stuhia pritet të depërtojë më thellë në Azinë Jugore duke rrezikuar edhe përmbytje të mëdha.
Deri më tani raportohen rreth 310 mijë shtëpi të dëmtuara, ndërkohë që rreth 1.2 milion banorë janë evakuuar. Sakaq autoritetet vietnameze kanë njoftuar se mund të lindë nevoja e evakuimit të 1.3 milion banorëve të tjerë për shkak të tajfunit të fuqishëm.
