Bedri Elezi, Drejtori i Institutit të Marrëdhënieve Ndërkombëtare në Kosovë, tha se vëllai i Alvin Berishës, Beniamin Berisha, është gjallë dhe se ndodhet në kampin Al Hol.
Në një lidhje në emisionin “Open”, ai tha se Beniamin Berisha i ka mbijetuar aksidentit ku humbi jetën babai i tij, ndërsa për nënë e tij, Valbona Berishën, nuk ka ende informacione.
Sipas Elezit, Beniamin Berisha është 4-vjeç dhe ndodhet nënë kujdesin e një familje shqiptare në kamp.
“Duhet të kemi kujdes kur flasim për persona të vrarë, por ka pas spekulime për vdekjen e Beniaminit, vëllait të Alvinit, por ne kemi foto të 10 muajve më parë të tij, kemi komunikuar me një familje shqiptare që po kujdeset për të në kamp, është 4 vjeç dhe i ka mbijetuar aksidentit. Babi nuk mundi t’i mbijetojë plagëve, ndërsa për nënë e tij nuk dimë nëse ka mbijetuar, apo nëse është e burgosur. Ai ka lindur në Siri, babai është nga Siria, ndërsa nëna është Valbona Berisha”, u shpreh ai.
