Mjeku Sallabanda: Ne mjekët nuk sugjerojmë kufizim të lirive kushtetuese, është dështim i qeverive me Covidin

Mjeku Kita Sallabanda u shpreh në një emision televiziv se mjekët nuk kanë propozuar për kufizimin e lirive kushtetuese, por ato vijnë si paaftësi e qeverive.

“Unë jam kundër këtyre masave që janë kundër këtyre shtrëngimeve të të drejtave kushtetuese. Ne nga pikëpamja mjekësore e shohim se kufizimi i lirive kushtetuese është një dështim i qeverisë”, tha në një lidhje me video në emisionin “Tempora”, mjeku shqiptar që punon në Spanjë.

LEXO EDHE  "Infektimet po shtohen"/ Vasili: Beteja për jetën s’fitohet me sloganin e qeverisë ‘Rrofsha unë’

“Të gjithë shkencëtarët kanë propozuar masa të tjera, pra nuk është rekomandimi dhe dëshira jonë, pasi ne kemi sugjeruar gjurmime dhe testime masive, të kontrollojnë dhe të izolojnë personat e sëmurë. Por duke mos qenë të aftë për ta realizuar këtë mision, bëhet kufizimi i lirive kushtetuese”, shtoi ai.