Mjeku Ilir Alimehmeti shprehet se shkollat nuk janë vatër e rrezikshme për përhapjen e koronavirusit.
Vatër përhapjeje infeksioni, sipas tij, janë restorantet, baret dhe fasoneritë dhe ambientet e mbyllyra.
“Ne kemi dy dokumente madhore mbi COVID 19 dhe shkollat nga OBSH-ja dhe ECDC-ja. Të dy thonë shumë qartë, që shkollat nuk janë vatër e rrezikshme transmetimi infeksioni. Ka vende të tjera që janë shumë më të rrezikshme, që ne e dimë në fakt, edhe pse nuk duam ta pranojmë. Janë restorantet, vendet e punës të mbyllura, zyrat, fasoneritë, call cenetr-at. Këto janë vendet kyç, sepse nga i rritur në të rritur është risku më i madh. Fëmija në të rritur dhe fëmija tek fëmija, risku është shumë herë më i vogël”, tha mjeku në Ora News.
