Ish-deputeti i Partisë Demokratike, Enkelejd Alibeaj, ka reaguar për ngjarjen e ndodhur mëngjesin e sotëm në Fier, ku mbeti i vrarë me armë zjarri 50-vjeçari Ahmet Toska.
Alibeaj shkruan në FB se realiteti i krimit është ai që ka kapluar këtë vend të qeverisur nga Rama.
“Klithmat e tmerrit të bashkëshortes së viktimës janë muzika funebre që Rama iu ka ofruar shqiptarëve prej 7 vitesh! Ajo është klithma që ka drithëruar prej vitesh një shoqëri të tërë të ngelur në pasiguri e në frikë. Është kërkesa për ndihmë ndaj shtetit, që kurrë nuk i erdhi. E sot, më shumë se kurrë kur krimi mbretëron i pashqetësuar, kur jeta e njeriut është zhvlerësuar, kur në vend të nevojës për punë, siguri, ekonomi, iu shfaqet fytyra e papërgjegjshmërisë së Ramës, ndjejnë se dufi i urrejtjes, zemërimit dhe nevojës për t’u çliruar është zgjidhja e vetme! 25 prilli po afron! Tik-tak, tik-tak”, shkruan Alibeaj.
