Pak ditë më parë, këngëtarja Fjolla Morina bëri publike lidhjen me biznesmenin Fisnik Syla. Dyshja janë në prag të martesës dhe Fjolla ka treguar se dashuria e tyre ka triumfuar mbi gjithçka.
Mbrëmjen e djeshme, Fjolla ka ndarë në Instastory një foto dhe video krah partnerit, duke treguar se arresti shtëpiak ka marrë fund. Dyshja shihen shumë të lumtur krah njëri-tjetrit gjatë një darke teksa Syla i dhuron një të puthur partneres.
Kujtojmë se Fjolla Morina ka qenë kryefjala e mediave gjatë gjithë këtyre javeve pas arrestimit të saj nga policia shqiptare në kufirin e Morinës. Pas një kontrolli në makinë, Fjollës iu gjetën 2 pistoleta, njëra prej të cilave ishte çakmak. Këngëtarja shoqërohej nga dy persona, biznesmeni Fisnik Syla dhe shoferi Fitim Muji.
