Një automjet është shkrumbuar gjatë natës në Vlorë, ndërkohë që janë dëmtuar edhe 3 automjete të tjera. Policia njofton se mjetet kanë qenë të parkuar, kur kanë shpërthyer në flakë.
Njëra prej mjeteve është djegur plotësisht. Ndërkohë mesohet se janë 3 makina të demtuara , 2 golf 5 dhe një smart
Policia në njoftimin e saj bëri të ditur se nga hetimet paraprake rezulton se ngjarja ka qenë aksidentale.
Njoftimi i policisë:
Në orët e para të mëngjesit të sotëm, në lagjen “Pavarësia” Vlorë, kanë marrë flakë në parkim 2 automjete, ku si pasojë automjeti i markës Smart në pronësi të shtetases K.D., është djegur plotësisht dhe automjeti i markës Volkswagen në pronësi të shtetases F.F., është djegur pjesërisht, dyshohet se ngjarja është aksidentale.
Grupi hetimor po kryen veprimet e mëtejshme në lidhje me ngjarjen e ndodhur.
