Sistemi shëndetësor duket se po kalon në kolaps për shkak të mbingarkesës me pacientë të infektuar me koronavirus.
Spitali Infektiv është mbushur që mbrëmë në darkë, ndërkohë që urgjencat po dërgohen te Sanatoriumi.
Ndërkohë edhe kapaciteti i këtij spitali është sot në maksimum.
Ende nuk dihet nëse do të hapet spitali Covid3.
Janë thuajse 40 urgjenca çdo ditë, autoambulanca që i drejtohen spitalit me pacientë të infektuar të cilët kanë nevojë për trajtim mjekësor të specializuar.
“Aktualisht në Spitalin Infektiv dhe ‘Shefqet Ndroqi’ po trajtohen 260 pacientë, 15 në terapi intensive, nga të cilët 6 pacientë janë të intubuar”, deklaroi MSH një ditë më parë. /Syri.net
