Një operacion i ri zemre për Arnold Schwarzenegger. Lajmin e ka dhënë vetë aktori në mediat sociale, nga shtrati i spitalit.
“Falë ekipit të Klinikës Cleveland, unë kam një valvulë të re të aortës që përputhet me valvulën time të re pulmonare që nga operacioni im i fundit”- shkruan ai.
Për Schwarzenegger ky nuk është operacioni i parë i këtij lloji. Disa vjet më parë ai përfundoi në sallën e operacionit për të zëvendësuar një valvulë pulmonare që ishte implantuar në 1997 për shkak të një defekti të lindur.
“Ndihem mirë – siguron Schwarzenegger – dhe kam shëtitur në rrugët e Cleveland. Faleminderit – përfundon ai – për mjekët dhe infermierët që më ndihmuan”.
