Italia ka konfirmuar edhe sot mbi 19 000 raste të reja me Covid.
Autoritetet raportuan 19,644 raste të reja me koronavirus në 24 orët e fundit, nga 177,669 teste të kryera. Rajoni me numrin më të madh të rasteve ditore është Lombardia. Kurse, totali i të infektuarve në vend që nga shfaqja e pandemisë është 504 507.
Nga ana tjetër, 151 vdekje janë raportuar në 24 orët e fundit, për një total prej 37 210 që nga fillimi i pandemisë. Shifër që është rritur ndjeshëm në krahasim me një ditë më parë, kur u raportuan 91 viktima. Për të gjetur një rritje kaq të lartë të numrit të viktimave, duhet të kthehemi pesë muaj prapa, në 21 maj, kur humbjet e jetës u shënuan 156.
Në nivelin kombëtar, të shtruarit në njësitë e kujdesit intensiv u rritën me 79 pacientë krahasuar me dje (1 128 në total), ndërsa 738 pacientë të tjerë ndodhen të shtruar në pavijonet Covid.
Numri i të shëruarve më 24 orët e fundit është 2 309.
203 182 janë të infektuar aktivë.
