Covid 19/ SHBA rekord infektimesh, OBSH bën parashikimin e frikshëm për botën

SHBA-të kanë shënuar një tjetër rekord infektimesh. Të premten u raportuan 83.010 raste të reja.

Kreu operacional i Shërbimit të Shëndetit Publik në SHBA, Jerome Adams ka paralajmëruar se numri i shtrimeve në spital po rritet, por nivelet e vdekshmërisë po bien për shkak të kujdesit më të mirë ndaj pacientit. Kjo vjen në një kohë kur gjigantët e farmacisë AstraZeneca dhe Johnson & Johnson rinisën testimet e vaksinave amerikane pas miratimit nga rregullatorët.

Organizata Botërore e Shëndetësisë (OBSH) ka paralajmëruar se vendet në hemisferën veriore janë në një moment kritik dhe spitalet po arrijnë mbi kapacitetin e tyre që tani, ndërsa muajt e ardhshëm do të jenë shumë të vështirë.

“Muajt e ardhshëm do të jenë shumë të vështirë dhe disa vende janë në shtigje të rrezikshme. Shumë vende po shohin një rritje eksponenciale të rasteve dhe kjo po bën që spitalet të tejmbushen me pacientë që tani, kur jemi ende në tetor. Ne i nxisim udhëheqësit të ndërmarrin veprime të menjëhershme, për të parandaluar vdekjet e mëtejshme dhe të panevojshme.”- tha drejtori i përgjithshëm i OBSH-së, Tedros Adhanom Ghebreyesus.