Reali i Madridit vazhdon të kryesojë klasifikimin e klubeve më të mira të UEFA-s, shkëputur nga vendi i dytë, Bayern Mynchen.
Pavarësisht humbjes me Shaktarin, 13 herë fituesit e Kupës së Kampioneve/ Ligës së Kampioneve kanë grumbulluar 600 pikë në total pas 439 ndeshjeve.
Kampionët në fuqi të Bayernit (6 tituj), pas 352 ndeshjeve kanë 484 pikë. Podiumin e plotëson Barcelona (5 herë fituesit e këtij trofeu) me 449 pikë pas 319 ndeshjesh.
Një shkallë më poshtë renditet Manchester United, me vetëm 23 pikë më shumë sesa Juventusi i vendit të pestë.
Për “Zonjën” pikët e fituara në Kiev e dërguan në 351 totalin pas 279 ndeshjeve.
Edhe pse Milani i mungon elitës së futbollit europian prej shumë vitesh, 7 herë fituesit e trofeut renditen pas rivalëve italianë me 314 pikë në 249 ndeshje.
- Real Madrid- 600 pikë
- Bayern Munich 484 pikë
- Barcelona 449 pikë
- United 374 pikë
- Juventus 351 pikë
- Milan 314 pikë
- Liverpool 289 pikë
- Benfica 287 pikë
- Porto 277 pikë
- Ajax 266 pikë
