Nesër, e gjithë bota e futbollit do t’i ketë sytë nga “Camp Nou”. Java e shtatë e La Ligas rezervon një superpërballje mes Barcelonës dhe Real Madrid shumë e tensionuar për Merengues të detyruar të marrin një rezultat pozitiv, pas humbjeve ndaj Cadiz dhe Shakhtar Donetsk.
Për këtë sfidë, Zinedine Zidane, i cili gjithashtu luan edhe për të ardhmen e tij, thirri 20 lojtarë. I kthyer në stërvitje, Sergio Ramos do të jetë prezent. Në të kundërt, Eden Hazard, Dani Carvajal, Martin Odegaard dhe Alvaro Odriozola nuk do të jenë në këtë ndeshje mjaft të rëndësishme.
