Në 10 ditët e fundit, numri i njerëzve që u prek nga koronavirusi në Evropë është më shumë se dyfishuar, dhe shumë vende evropiane janë duke regjistruar rekorde në numrin e rasteve të reja.
Për herë të parë, që nga 12 tetori, 100,000 raste të reja janë regjistruar në Evropë brenda një dite, raporton Reuters, duke shtuar se 7.8 milion njerëz janë diagnostikuar me Covid 19 në Evropë deri më tani, dhe më shumë se 247,000 persona kanë humbur jetën.
Vendet evropiane si Italia, Austria, Kroacia, Sllovenia dhe Bosnjë dhe Hercegovina kanë vendosur rekorde në numrin e rasteve të reja, dhe siç thuhet, Evropa si rajon ka më shumë pacientë në një ditë sesa India, Brazili dhe Shtetet e Bashkuara së bashku.
Ekspertët shpjegojnë numrin më të madh të pacientëve me numrin më të madh të testeve të kryera.
Sipas Reuters, sot u regjistrua numri më i madh i rasteve të reja në botë – 422,835 persona.
Evropa regjistron 19 për qind të të gjitha rasteve dhe 22 raste të vdekjes nga koronavirusi, dhe rritja më e madhe në numrin e të infektuarve regjistrohet në Francë me rreth 25,000 raste të reja në ditë.
Numra rekord të pacientëve të rinj janë regjistruar gjithashtu në Holandë, Gjermani, Zvicër, Irlandë, Poloni, pjesën më të madhe të Austrisë dhe pjesën më të madhe të Italisë, përfshirë Romën.
Spitalet në Evropë u mbi populluan përsëri, siç ndodhi gjashtë muaj më parë gjatë valës së parë.
