Drejtori i Sëmundjeve Infektive të Spitalit Sacco në Milano, Massimo Galli ka përshkruar një skenar shqetësues sa i përket infeksioneve në Itali.
Ai nuk e përjashton mundësinë e izolimit për herë të dytë, të Italisë. Galli bën thirrje që Milano të përgatitet për betejën më të keqe, së cilës virologu i frikësohej dhe që u shmang në mars.
“Nuk do të ketë alternativa. Ne do të duhet ta fusim gjithë Italinë në shtetrrethim. E kuptoj që kjo është një situatë që parashikon mundësinë e një bllokimi. Por diçka duhet bërë. Tani do të kemi betejën e Milanos, e cila u shmang në mars dhe frika se infeksioni do të përhapet është e madhe. Në spitale ne tashmë po konvertojmë gjithçka që mund të konvertojmë. Diçka mund të ishte bërë ndryshe. Mos u kënaqni me këtë situatë. Nëse nuk organizohemi, domosdoshmërish që do të shkojmë te bllokimi. Unë kam frikë, jo avokim. Por kur nuk mund të bësh asgjë tjetër, atëherë mbylle. Ka dy mënyra për të shmangur bllokimin famëkeq, duke kufizuar shpërthimet. Zvogëlimi i mundësive të infektimit dhe duhet të zgjerojmë rrjetin e zbulimit të infeksioneve të reja sa më shpejt që të jetë e mundur.”- thotë Galli.
