Edhe pse FIFA ka bllokuar merkaton e Partizanit, “Demat e Kuq” mbeten të fortë. Në lidhje me skuadrën kryeqytetase ka folur Blendi Shkëmbi në emisionin sportiv “Pressing” në ABC News.
Sipas ish-futbollistit, formacioni titullar i partizanit është i denjë për të luftuar për titullin kampion por të kuqtë mund të penalizohen nga fakti që nuk kanë një stol konkurrues efekt ky i drejtpërdrejtë nga bllokimi i merkatos nga ana e FIFA-s.
“Duke mos ia parë stolin Partizanit, vetëm formacionin, janë pretendentë për titullin kampion. Kanë lojtarë si Bardhi, Solomon, Çinari, Mala, Asani. Kanë probleme në mbrojtje, por çdo skuadër ka ndonjë problem në reparte të veçanta. Mesfusha dhe treshja e sulmit më pëlqejnë. Belica ishte pjesë e ekipit kampion, Hoxha po, Hakaj është i mirë. Edhe Bitri ka luajtur vjet”.
