Pas suksesit kundër Dinamo Kiev, Juventus mendon tashmë për superpërballjen ndaj Barcelonës, e cila do të luhet ditën e mërkurë në “Allianz Stadium”.
Një rikthim i përballjeve Ronaldo-Messi, por portuegezi është ende në pikëpyetje për shkak të infektimit me Covid-19. Por edhe nëse humb sfidën e parë, CR7 do të jetë i gatshëm për sfidën e kthimit në “Camp Nou” më 8 dhjetor, raporton Ora News.
Por ndeshja e kthimit mund të ketë edhe diçka tjetër plus: tifozët.
Klubi I Barcelonës ka dërguar një kërkesë autoriteteve shëndetësore lokale një protokoll sigurie, sipas së cilës në “Camp Nou” mund të jenë të pranishëm deri në 5 mijë tifozë.
Protokoll që do të përdoret vetëm në Champions League pasi qeveria në Madrid nuk ka asnjë plan për hapjen e stadiumeve për tifozët në kampionat. /oranews
