Gjykata e Tiranës ka caktuar masën e sigurisë “arrest në burg” për Grid Leno, Albin Hoxha, Maringlen Matohiti dhe Enea Hoxha. Ato u arrestuan me akuzën vrasje të mbetur në tentative për biznesmenit Andon Dhima.
Policia njoftoi arrestimin e 4 personave në datën 21 tetor. Sipas policisë, Gridi Lena dhe Albin Hoxha, përkatësisht 45 dhe 35 vjeç, kanë tentuar të vrasin biznesmenin Dhima. Ndërkohë që dy personat e tjerë kanë bashkëpunuar me autorët e dyshuar të atentatit të dështuar.
Mësohet se dy të dyshuar u ndaluan në zonë e “Brrylit”, ndërsa dy të tjerë pranë “Mozaikut të Tiranës”.
Të ndaluarve iu gjetën nga policia armë dhe maska. Sakaq dy nga të ndaluarit janë persona që tentuan vrasjen e biznesmenit, ndërsa dy të tjerë mësohet se kishin rol ndihmës.
Mendohet se katër personat e ndalur kanë qenë të përfshirë në ngjarje të tjera kriminale.
