Rëndohet gjendja e grevisteve në Uzinën e Përpunimit të Naftës në Ballsh.
Silvana Fejzaj ka kërkuar ndihmën e mjekëve. Në këto momente pranë saj ka shkuar urgjenca e spitalit Ballsh për t’i bërë një serum.
Mësohet se grevistja pavarësisht gjendjes nuk do të largohet. Ajo ka pranuar të marrë mjekim në mjediset e grevës dhe nuk largohet, siç raporton “BalkanWeb”.
Nga ana tjetër edhe 4 gra të tjera janë në gjendje të rëndë. Raportohet se gratë kanë temperaturë, të vjella dhe rrahje të forta zemre. Ato nuk kanë pranuar që të shkojnë në spital, por morën mjekimin në ambientet e grevës. Gratë grevistë janë të vendosura në kauzën e tyre, marrjen e pagave të prapambetura.
