Europa League/ Marash Kumbulla nderon Romën, Napoli humbet në shtëpi

Kanë përfunduar ndeshjet e orës 19:00 në Europa League. Roma ka arritur një fitore me përmbysje 2-1 në transfertën e Young Boys.

Protagonisti i ndeshjes për verdhëkuqtë ka qenë mbrojtësi shqiptar Marash Kumbulla. 20-vjeçari shënoi në minutën e 74-t të sfidës duke vulosur fatet e takimit.

Kjo ishte ndeshja e parë e Kumbullës në Europa League, duke e nisur më së mirë aventurën në kompeticionin e dytë më të rëndësishëm për klube në futbollin europian.

Në ndeshjet e tjera, Napoli ka pësuar një humbje të befasishme në shtëpi kundër holandezëve të Az Alkmaar. Miqtë kanë shënuar në minutën e 57-të me anë të De Wit, ndërsa skuadra e drejtuar nga Gatusso edhe pse kontrolloi pjesën më të madhe të lojës nuk arriti të gjejë rrugën e rrjetës.

Përveç Romës, fitore me përmbysje ka arritur edhe Arsenali. Rapid Viena shënoi e para me anë të Fountas ndërsa përmbysja e “Topçinjve” ka ardhur me golat e David Luiz dhe Aubameyang përkatësisht në minutat 70’ dhe 74’.

Më poshtë mund të shikoni, rezultatet e ndeshjeve të luajtura në orën 19:00.