Qeveria ka dërguar në Parlamenti një draft për blerjen e vaksinës së Covid 19, sapo ajo të certifikohet nga OBSH dhe do të sigurohet nga aleanca Covax që është një nga strukturat ndërkombëtare që po merret me me kërkimin shkencor mbi këtë vaksinë.
Projektligji për vaksinën e Covid është në fakt ratifikimi i marrëveshjes ndërmjet qeverisë dhe Aleancës Covax.
Në këtë marrëveshje bëhet e e ditur se kjo aleancë do të furnizojë Shqipërinë me një sasi vaksine që mbulon 20% të popullsisë, e njëjtë si vaksina e grupit për priudhën 2021-2022.
Në relacionin e këtij projektligji theksohet se “Këshilli i Ministrave, me qëllim mbrojtjen e popullsisë nga infeksioni i shkaktuar nga COVID-19, miratoi vendimin nr.734, datë 16.9.2020, ‘Për miratimin, në parim, të marrëveshjes së angazhimit, nd?rmjet Këshillit të
Ministrave të Republikës së Shqipërisë, përfaqësuar nga Ministria e Shëndetësisë dhe Mbrojtjes Sociale, dhe Aleancës GAVI, për pjesëmarrjen në strukturën globale të qasjes në vaksinat COVID-19 (COVAX Facility)’.
COVAX është një nga katër shtyllat e Aëes to Covid-19 Tools (ACT). ACT-ja u lançua në prill 2020 nga Organizata Botërore e Shëndetësisë (OBSH),
Komisioni Evropian dhe Franca, për t’iu përgjigjur sfidave të krijuara nga pandemia e shkaktuar nga COVID-19, si bashkim i qeverive, organizatave shëndetësore (të nivelit global), prodhuesve, shkencëtarëve, sektorit privat, shoqërisë civile, me synimin për të siguruar një qasje inovative dhe të barabartë në diagnostikimet, trajtimet dhe vaksinat COVID-19. Shtylla “COVAX” përqendrohet te kjo e fundit. GAVI është një partneritet global, i cili ka në përbërje të tij organizata të specializuara të Kombeve të Bashkuara, si OBSH, UNICEF, Banka Botërore si dhe partnerë të tjerë që merren me kërkimin dhe zhvillimin e produkteve mjekësore dhe programeve të shëndetit publik. Për Shqipërinë, anëtarësimi në këtë Aleancë dhe prokurimi i vaksinës nëpërmjet këtij mekanizmi ofron një vaksinë të sigurt dhe të certifikuar”.
Në draft theksohet se “Sasia që mund të ofrohet nga COVAX Facility për të mbuluar 20% të popullsisë, me dy doza vaksinë, është një sasi e konsiderueshme, e përafërt me sasinë që synojmë për vaksinimin ndaj gripit sezonal 2020-2021”.
Sipas draftit shuma e përcaktuar për blerjen evaksinës anti Cxovid është 3 milionë e 990 mijë dollarë amerikanë dhe do të paguhet nga buxheti i alokuar për Ministrinë e Shëndetësisë dhe Mbrojtjes Sociale dhe Fondi i Sigurimit të Detyrueshëm të Kujdesit Shëndetësor.
