Sezoni i ri i emisionit “Shiko Kush Luan” nisi me dy kapitenët Florjan Binaj dhe Rezart Veleshnja, mirëpo ky i fundit u shfaq vetëm në puntatën e parë të emisionit pasi vendin e Rezartit e ka zënë aktori Irgen Çela, ose siç njihet ndryshe “Xhoda”.
Sipas “Dosja.al” Luana Vjollca dhe Rezart Veleshnja kanë pasur një debat të fortë me njëri-tjetrin dhe kjo ka bërë që Luana ta largojë Rezartin nga emisioni. Ndërsa burime pranë “Prive.al” kanë mësuar se përplasja mes tyre ka ndodhur në studio, ndërkohë që xhirohej emisioni dhe prandaj një javë më vonë ai është xhiruar sërish me kapitenin e ri.
Rezarti ka fshirë nga Instagrami të gjitha fotot që ka pasur nga emisioni, por vazhdon ta ndjekë Luanën në Instagram. Ndërsa kjo e fundit nuk e ndjek aktorin nga adresa e saj.
Së fundmi ka reaguar vetë aktori në një postim në InstaStory, duke e quajtur të pavërtetë këtë lajm dhe duke treguar se ka qenë i zënë.
“Hahaha e ka emrin Luana o ti çun që ke këtë faqen dhe merr 40 mijë lek në muaj për të bërë lajme fake. Mëso emrat njëherë pastaj mashtro në lajme. Dhe s’ka asnjë sherr përveç kohës që kam qenë i zënë, palaço njerëz.”– janë fjalët e tij.
Më tej, ai ka publikuar edhe një video të portretit të pikturuar të Luanës, për të treguar se gjithçka mes tyre është në rregull.
