Tottenhami i Jose Mourinhos luan nesër sfidën e parë në Europa League, kundër austriakëve të LASK (21:00).
Ndërkohë trajneri portugez, ka dalë sot në konferencën për shtyp ku ndër të tjera është ndalur te Gareth Bale. Mourinho ka deklaruar se Bale nuk i ngjan më atij futbollisti shpërthyes para largimit nga Tottenham në vitin 2013.
“Asnjë lojtar nuk qëndron i njëjtë në një hark kaq të gjatë kohor. Kanë kaluar 7 vite prej kohës që Bale u largua nga Tottenham, jo shtatë muaj. I ndodh të gjithë futbollistëve. Në shtatë vite lojtarët ndryshojnë, dhe nuk ka lidhje nëse për mirë apo për keq.
Po flas thjesht për një ndryshim fiziologjik, një evolucion i mundshëm i cilësive ose stilit të lojës. Në disa raste edhe në rolin dhe pozicionin në fushë. Ky Gareth nuk ka lidhje me atë që ishte në të kaluarën, sot është një lojtar totalisht i ndryshëm“,
