Blerja më e re e Bayern Mynich, Douglas Costa, është i lumtur për rikthimin e tij në Gjermani.
Në një intervistë për “Sport Bild”, braziliani tregon se dëshira e tij ka qenë që të vinte vite më parë në Mynih.
Gjithashtu ai bën një krahasim mes Cristiano Ronaldos dhe Robert Lewandowskit.
“Kam dashur të kthehem këtu vite më parë sepse tek Bayern ndihem i lumtur. Gjithmonë kam patur kontakte me ish-shokët e skuadrës, si për shembull me Manuel Neuer, Jerome Boateng, Thomas Muller apo dhe me Joshua Kimmich. Kurrë nuk i kam humbur kontaktet me ta”, tregon anësori i majtë.
“Kam luajtur me Neymarin në kombëtare dhe me Ronaldon tek Juventusi. Tashmë kam shok skuadre Robert Lewandowski, i cili është sulmuesi më i mirë në Europë. Megjithatë, përpos statistikave të tij, Cristiano është akoma një nivel më lart se polaku”, mbyll Douglas Costa.
