Inspektorati Kombëtar i Mbrojtjes së Territorit njofton se prej mëngjesit të sotëm ka nisur prishjen e 20 objekteve në gjurmën e Unazës së Madhe, Loti III (Astir).
“Objektet janë të madhësive nga dy deri në katër kate, me funksione të ndryshme. Një pjesë e tyre janë shpronësuar sipas legjislacionit në fuqi, ndërsa një pjesë janë skualifikuar. Deri tani, aksioni i IKMT ka vijuar i qetë”, sqaron IKMT.
Në këtë zonë ka pasur shpesh përplasje mes pronarëve dhe forcave të policisë e IKMT. Banorët kanë kundërshtuar aksionet për shembjen e banesave dhe pronave të tyre.
