Kryeministri Edi Rama i është përgjigjur akuzave të lëshuara në adresë të tij nga Presidenti Ilir Meta, gjatë një konferencë për gazetarët, ditën e djeshme.
Rama tha se është “vërtet fatkeqësi që përshkallëzimi i dhunës verbale e marrëzisë nga Ilir Meta po ndodh shumë para kohe dhe se di ku do shkojë kaq herët që ka filluar”.
“Por realisht është shumë e turpshme, shumë sëkëllditëse për të gjithë ne që te kemi një individ në zyrën e presidentit që ka dalë komplet nga të gjitha shinat e funksionit dhe ka vendosur veten e institucionin në dispozicion të një force të degraduar siç është partia prej së cilës ai vjen dhe drejt së cilës ai shkon. Vërtetë për të ardhur keq”, tha Rama në një prononcim për gazetarët.
Akuzat e opozitës për inceneratorët, se qeveria ka vepruar si një grup i strukturuar kriminal, Rama i quajti “marrëzi”.
