I ftuar në studion e ‘Opinion’ kreu i Lëvizjes Vetëvendosje me qendër në Shqipëri, Bojken Abazi, shpjegoi se përse kjo forcë politike protestoi gjatë vizitës së Ministrit të Jashtëm grek, Dendias.
Abazi tha se çështja Çame, deti dhe terriroret janë çështje kombëtare që i përkasin çdo shqiptari.
I pyetur nga drejtuesi i emisionit nëse Vetëvendosja në Shqipëri po kërkon të kthehet në parti politike, Abazi tha se ende nuk është marrë një vendim.
Pjesë nga debati:
Fevziu: Pse ju bashkuat ju protestës?
Abazi: Ne ju bashkuam thirrjes së bërë nga Shoqata Çamëria dhe PDIU.
Fevziu: A po kërkon të faktorizohet Vetëvendosja, pasi e shohim të marrë pjesë në çdo çështje?
Abazi: Ne marrim pjesë vëtëm në ato çështje që ne i quajmë të rëndësishme.
Fevziu: A po kërkon të kthehet Vetëvendosja në një parti politike?
Abazi: Kjo mbetet për tu parë, kur ta marrim vendim do e bëjmë publike.
