Një pronar i një lokali në Has është shpallur në kërkim, pasi në biznesin e tij u zbulua se ushtrohej aktiviteti i lojërave të fatit, i paligjshëm në vend që prej vitit 2019.
Burime zyrtare njoftuan se, shërbimet e Policisë, gjatë kontrollit të ushtruar në subjektin bar-kafe në pronësi të shtetasit J. Sh., ku ishte i punësuar në mënyrë të parregullt I. M., kanë gjetur dhe sekuestruar 4 kompjuterë (njëri prej tyre me programe për bastet sportive) dhe pajisje të tjera që shërbenin për zhvillimin e lojërave të fatit.
Në vijim të veprimeve u arrestua në flagrancë I. M., 45 vjeç, dhe u shpall në kërkim pronari i subjektit, J. Sh., 41 vjeç, të dy banues në Krumë – Has.
Materialet procedurale i kaluan Prokurorisë pranë Gjykatës së Shkallës së Parë Kukës, për veprat penale “Organizimi i lotarive të palejuara”, “Punësimi i paligjshëm”, “Fshehja e të ardhurve” dhe “Vënia në dispozicion e lokaleve për lojëra të palejuara”, njoftoi policia.
