Melania Trump anulon daljen e saj të parë në fushatë pas disa muajsh, sepse nuk ndihej mirë për shkak të Covid-19.
Ajo do t’i bashkohej fushatës së presidentit Donald Trump në Pensilvani të martën në mbrëmje, por ka vendosur të mos shkojë.
“Zonja Trump vazhdon të ndihet më mirë çdo ditë pas shërimit të saj nga Covid-19, por me një kollë të zgjatur dhe nuk do të udhëtojë sot”, tha Stephanie Grisham, shefja e stafit të zonjës së parë.
Një javë më parë zonja e parë e SHBA-së tregoi simptomat e saj të Covid-19: “Më goditën të gjitha menjëherë, dhimbje trupi, kollë, dhimbje koke dhe ndjenjë lodhje ekstreme”.
Kufizimet e udhëtimit për shkak të koronavirusit gjatë disa muajve të fundit dhe periudha e saj me Covid-19, penguan orarin e punës së Trump, tha Grisham për CNN. Sidoqoftë, Presidenti, nënkryetari dhe anëtarët e tjerë të familjes Trump janë në fushatë.
