Epidemiologu Taulant Muka ka publikuar një imazh tepër shqetësues, ndërsa shprehet se një pjesë e madhe të popullit e sheh nëpër ambiente të ndryshme, kryesisht në bare e restorante, pa ruajtur distancat e nevojshme dhe pa maska.
Muka publikoi fotografinë në rrjetet sociale duke shkruajtur: “sa prej jush e shohin këtë pamje në bare dhe restorante?! Maskat bëhen ambjent perfekt për bakteret viruset të vallëzojne dhe me pas ti marrim si “ushqim” në gojë dhe në ajrin që thithim në hunde! Ky është shëndeti publik?!”
Reagimi i epidemiologut vjen në një kohë kur pandemia e koronavirusit thuhet se do të sjellë valën e dytë pasi ka rritje të shifrave të infektimeve dhe viktimave. Që nga 15 Tetori, edhe qeveria shqiptare ka vendosur që maskat të jenë me detyrim në çdo ambient përveç shtëpisë.
Ky vendim u mor për të shmangur përhapjen e rasteve të reja ndërsa theksohet që cdo person që kapet pa maskë do të gjobitet me 3000 lekë, masë ndëshkimore që do të zbatohet në faturën e energjisë elektrike.
