Pavarësisht problemeve me pasurinë, kalon vetingun gjyqtarja e dosjes “Tahiri”

Komisioni i Pavarur i Kualifikimit dha sot vendimin për konfirmimin në detyrë të gjyqtares Flora Hajredinaj, pjesë e trupës së Gjykatës së Posaçme.

Hajredinaj, e cila në dorë gjykimin e dosjes së ish-ministrit të Brendshëm Saimir Tahiri, u përball me trupën e komisionit në seancë dëgjimore javën e kaluar.

Komisioni i Pavarur i Kualifikimit ngriti dyshime për mundësitë financiare të gjyqtares së Gjykatës së Posaçme, Flora Hajredinaj dhe vjehrrit të saj për një dhuratë prej 40 mijë eurosh, ndërkohë që në seancë u debatua edhe mbi dy qëndrime të ndryshme të DSIK.

LEXO EDHE  Gjykimi ndaj Dacit, SPAK dhe GJKKO thërrasin për të dëshmuar 3 ish-magjistratë

Gjyqtarja Flora Hajredinaj ka një karrierë prej dy dekadash në sistemin e drejtësisë, ku ka punuar fillimisht si gjyqtare në Dibër dhe prej vitit 2003 në Gjykatën e Krimeve të Rënda. Me shkrirjen e kësaj gjykate si rrjedhojë e reformës në drejtësi, Hajradinaj kaloi te Gjykata e Posaçme kundër Korrupsionit dhe Krimit të Organizuar.

Seanca dëgjimore

Gjyqtarja Flora Hajredinaj përballet me probleme të pasurisë në KPK