Orët e fundit është rënduar edhe më shumë situata në dy spitalet Covid që janë të mbushur ndjeshëm.
Sipas të dhënave jozyrtare që ka publikuar opozita, këto dy spitale nuk kanë më kapacitet shtrimesh. Këto dy spitale kanë kapacitet deri në maksimumin 325 shtretër.
Aktualisht në spitalin Infektiv dhe “Shefqet Ndroqi” po trajtohen 255 pacientë, 21 në terapi intensive nga të cilët 4 pacientë janë të intubuar. Në foto shihni pamje brenda në spitalin Infektiv, Covid 1.
Në 24 orët e fundit një djalë i ri ka humbur jetën në spitalin Covid në Tiranë, pasi ishte infektuar me koronavirus.
“Në 24 orët e fundit, me gjithë përpjekjet e mjekëve, ka humbur jetën i prekur me COVID19, një i ri 37 vjeçar nga Korça pa sëmundje bashkëshoqëruese”, tha MSH.
Gjithashtu kanë vdekur dhe 3 persona të tjerë, një 52 vjeçare nga Mirdita, një 81 vjeçar nga Tirana dhe një 85 vjeçar nga Fier.
