Kristos Pasalis është larguar nga skuadra e Bylisit. Sulmuesi që u afrua në këtë merkato vere ka arritur dakordësinë me drejtuesit për t’i dhënë fund aventurës pa nisur mirë.
Shkak është bërë mbipopullimi i organikës mallakastriote të cilët në fazën ofensive kanë shumë lojtarë si Qardaku, Trumci, Radovani, Antoni apo edhe Mehmetllari.
Greku erdhi si lojtar që do të bënte diferencën nga skuadra e Rodos, mirëpo drejtuesit së bashku me stafin teknik kanë menduar ta lënë të lirë.
Duhet theksuar se ballshiotët s’kanë qenë shumë aktivë sa i përket miqësoreve, ku ende s’është planifikuar një e tillë për këtë fundjavë ashtu sikurse kanë bërë kundërshtarët.
