Partia Demokratike denoncoi këtë të Enjte se tenderi i rrugës Korçë-Ersekë ka qenë i paracaktuar. Sipas PD-së, fituesi është mik i kryeministrit Edi Rama. Partia Demokratike i bëri apel SPAK-ut të nisë hetimet për rastin.
“Qeveria e Edi Ramës ka bërë një super-vjedhje me rrugën Korçë-Ersekë. 4 km rrugë do të kushtojnë 20 milionë euro, në vend të 4 milionë euro, siç e gjetën gati projektin 8 vjet më parë. Rruga është një super-vjedhje, sepse fituesi ishte i paracaktuar. Është miku i Edi Ramës, që ne e paralajmëruam më 1 Tetor se do të fitonte tenderin. Faktet janë aty. Duhet që SPAK të nisë hetimin dhe të mos flerë mbi milionat që u vidhen shqiptarëve çdo ditë”, deklaroi Ervin Minarolli nga Partia Demokratike.
