Federata e Notit në Japoni pezullon për pjesën tjetër të vitit, katër herë kampionin e botës Daiya Seto, pasi kishte një lidhje jashtë martesore.
Kampioni 26-vjeçar është ndaluar për shkelje të rregullave të sjelljes dhe etikës së Federatës të Notit në Japoni .
Seto është Kampioni botëror në fuqi me 200 dhe 400 metra individual, ku në këtë të fundit fitoi medaljen e bronzit në Olimpiandën e Rio në vitin 2016. Ai dha dorëheqjen si kapiten i ekipit olimpik të notit nën përfaqësimin e Japonisë, pasi pranoi gjithçka në këtë ngjarje.
Vetë Seto shprehet i penduar për sjelljen e tij të papërgjegjshme dhe se kërkon të rifitojë besimin e familjes dhe pjesë tjetër që e njohin atë si një notar që thyen rekorde.
“Unë mendoj se falja ime është të vazhdoj notin, duke rivendosur besimin e familjes sime, të cilët janë lënduar thellë nga sjellja ime e papërgjegjshme. Unë duhet të përqëndrohem vetëm tek noti me një vendosmërinë të madhe, për t’ia filluar nga e para në mënyrë që familja ime dhe të gjithë të më njohin përsëri si notar.”
26-vjeçari do të ketë të drejtë të garojë në Olimpiadën e vonuar të Tokios që do të mbahet në 2021.
