Komisioni Qendror i Zgjidhjeve ka ngritur grupin e punës për vlerësimin e sistemeve apo pajisjeve të tekonologjisë së informacionit që do të përdoren në zgjedhjet e ardhshme parlamentare.
Grupi i punës përbëhet nga 7 anëtarë dhe do të drejtohet nga nënkomisionerja Lealba Pelinku. Bazuar në një urdhër të brendshëm grupi i punës do të përbëhet nga:
1-Ylli Merkaj
2-Nexhmi Mezani
3-Ana Tenolli
4-Mirela Gega
5-Drejtori Juridik i KQZ
6-Ekspert i Jashtëm IT
7-Eksperti i Jashtëm IT
Detyrat e grupit të punës do të jenë:
1-Të kryejë kërkime dhe të evidentojë gjetjet përkatëse në lidhje me sistemin dhe pajisje të teknologjisë së informacionit, të cilat mund të përdoren në zgjedhjet për Kuvendin e Shqipërisë në datën 25 prill 2021 në procedurat e identifikimit elektronik të votuesve dhe në votimin elektronik.
2-Të vlerësojë mundësinë e përdorimit të këtyre sistemeve dhe/ose të pajisjeve të teknologjisë së infromacionit në kushtet e vendit tonë.
3-Të bëjë një vlerësim të përgjithshëm të kostove financiare, përfshirë këtu edhe numrin e personave që do të duhet të angazhohen në përdorimin e këtyre sistemeve dhe/ose të pajisjes të teknologjisë së informacionit.
4-Të prezantojë për sa është e mundur, një numër subjektesh të cilat kanë zhvilluar këto sisteme dhe këto lloje pajisjesh.
5-Eventualisht të përgatisë një liste me akte juridike dhe protokolle teknike që do të bëjnë të mundur zbatimin e këtyre sistemeve dhe/ose përdorimin e këtyre pajisjeve.
Sipas urdhërit që është firmosur nga komisioneri Ilirjan Celibashi dhe nënkomisionerja Lealba Pelinku, në përfundim grupi i punës duhet të përgatitë një raport dhe më pas duhet tja dorëzojë Komisionerit.
