Reperja Cardi B organizoi një festë të shfrenuar me rastin e ditëlindjes. Nuk munguan femrat gjysmë të zhveshura teksa bënin kërcime provukese, para mbi dysheme e ‘twerk’ nga Cardi B.
Ajo organizoi një festë madhështore për 28-vjetorin e saj, madje ditëlindjen ka vendosur ta shënjojë me një foto nudo në rrjete sociale. Fotografia dukej që ishte shkrepur menjëherë pas festës së ditëlindjes, sepse reperja shfaqej me flokët e rregulluar dhe me të njëjtin “make up”.
Cardi B shfaqej e shtrirë në krevat, ndërkohë që në pjesën e sipërme ishte topless. Por reperja u pendua menjeherë dhe e fshiu. Megjithatë fotografia nuk ju ka shpëtuar fansave të saj, të cilët e kanë ruajtur dhe e kanë shpërndarë me shpejtësi në rrjet.
Pasi e postoi dhe e fshiu foton e saj, Cardi B reagoi menjëherë në Twitter.
“Pse dreqin duhej të më bënit mua kaq budallaqe? Pse? Por e dini çfarë, nuk do e mundoj veten për këtë gjë. Thjesht do ha mëngjesin tim, do shkoj në festë, sepse as nuk kam ndërmend të mendoj për të. Nuk do mendoj për të. Dreqin, nuk është as hera e parë. Kam qenë një striptiste, kështu që sidoqoftë”, ka shkruar reperja.
Kjo nuk është hera e parë që Cardi B së bashku me Offset organizojnë festa të tilla të shfrenuara dhe gjithnjë janë kritikuar nga audienca e gjërë.
