Një shqiptar është arrestuar në Firence të Italisë, pasi ka dhunuar 3 policë bashkiakë, të cilët i kanë kërkuar të vendoste maskën, si një masë e ndërmarrë ditët e fundit, për frenimin e përhapjes së koronavirusit.
Siç raporton “Ilprimatonazionale”, ngjarja ka ndodhur në rrugën “Calzaiuoli”, ku emigranti shqiptar, i cili po ecte në rrugë pa maskë, në shoqërinë e një gruaje, gjithashtu pa maskë, është ndaluar nga patrulla dhe është urdhëruar të vendosë maskën bashkë me shoqëruesen e tij, në mënyrë që të mos merrnin gjobë.
Shqiptari fillimisht ka filluar të diskutojë me policinë, derisa situata ka degjeneruar në dhunë.
Duket se përleshja ka qenë në disfafor për bashkiakët, pasi 3 prej tyre janë dërguar menjëherë në urgjencë. Njëri prej tyre ka dëmtime më të rënda.
