Kryeministri Edi Rama deklaroi më herët gjatë kësaj të Marte se koka e korrupsionit në Shqipëri, nuk janë politikanët, por gjyqtarët e prokurorët.
I pyetur në një konferencë me gazetarë, Basha tha se të tillë deklaratë e bën një “hajdut që ka frikë nga drejtësia”.
“Është e qartë që drejtësia u korruptua nga politika, për sa kohë do ketë qeveri të korruptuar, s’do ketë drejtësi. Do ketë drejtësi vetëm kur të ketë një qeveri e kryeministër që nuk e kanë kapur atë. Drejtësia është e kapur nga PS dhe reforma në drejtësi nuk rezultoi në atë që deshëm e votuam ne, kjo s’ka fëmijë që se ka kuptuar”, tha Basha.
Nesër, shtoi ai, s’mund të thotë që qeveria e re ka kapur drejtësinë.
Ai premtoi se kur të zgjidhet kryeministër, do ti bëjë vetëm një kërkesë institucioneve të drejtësie: të ndëshkojnë këdo që ka zhvatur pasurinë e shqiptarëve këto vite.
“Drejtësinë e korruptoi politika dhe drejtësinë e mban peng një kryeministër i lidhur me krimin, këtë e tregojnë rastet Dako e Tahiri. Pse e mban Dakon? Ky është dëshmitari, që nëse Rama e lëshon, dëshmon vjedhjet, batërdisjet, shkeljet që ka bërë me urdhër të Ramës. Ka vetëm një shkaktar që reforma në drejtësi s’po jep rezultate, Edi Rama që i ka frikë gjyqtarët e prokurorët e pavarur. Një qeveri që s’do kontrollojë drejtësinë është shansi që reforma në drejtësi të japë rezultate. Me këtë qeveri s’ka drejtësi”, shtoi Basha.
