Azerbajxhani i De Biasit barazon në “Elbasan Arena” ndaj Qipros

Azerbajxhani i Giani De Biasit nuk ka shkuar më shumë se barazimi 0-0 në sfidën ndaj Qipros, të zhvilluar në “Elbasan Arena”, për shkak të luftës në shtetin azer.

Ky takim ishte i vlefshëm për Ligën e Kombeve. Pavarësisht tentativave të shumta, ekipi i teknikut italian nuk ka arritur të shtyjë topin drejt rrjetës, duke shpërdoruar raste të shumta shënimi, ku më flagranti ishte ai i minutës së 27-të, ku kapiteni Garajev gaboi nga pika e bardhë e penalltisë duke u ndalur nga portieri qipriot.

Skuadra e De Biasit regjistroi 6 gjuajtje në portë, ndërkohë që qipriotët nuk arritën të shënonin asnjë të tillë.

Me këtë barazim Azerbajxhani u ngjit në kuotën e 4 pikëve, duke u renditur në vendin e 3-të.