Qeveria e Maqedonisë së Veriut do të mblidhet të martën për masat e reja anti-Covid.
Ajo pritet të vendosë se cilat nga masat e propozuara të Komisionit për Sëmundjet Infektive, do të pranohen dhe cilat do të refuzohen.
Komisioni për Sëmundjet Infektive i propozoi javëm e kaluar Qeverisë të miratojë:
-Mbajtjen e detyrueshme të maskës në ambiente të jashtme
– Ndalimi i grupimit në hapësirën publike pas orës 22:00
-Kufizimi i mysafirëve në shtëpi, jo më shumë se katër persona.
Ministri i Shëndetësisë, Venko Filipçe njoftoi në fundjavë se numri i të infektuarve me koronavirus vazhdon të rritet dhe masat nuk respektohen, kësisoj nuk përjashtohet mundësia e rikthimit të karantinës në pjesë të caktuara të vendit.
