Presidenti Ilir Meta shprehet se është koha që Edi Rama ti t’i lërë mashtrimet ordinere dhe të kuptojë njëherë e mirë se pa respektimin e Marrëveshjes konsensuale të 5 Qershorit nuk ka çelje negociatash.
Në një reagim në FB, ai tregon dhe arsyen se pse bëri koalicion me PS në vitin 2013.
“Për të gjithë ata që më pyesin pse bëra koalicion me Partinë Socialiste në prill të vitit 2013, kam një kujtesë nga fjala ime e mbajtur në 5 maj 2013, Ditën e Shenjtë të Dëshmorëve, para familjarëve të tyre dhe veteranëve, ku kam bërë thirrje publike të votoheshin urgjent para zgjedhjeve parlamentare, Ligji për Gjykatën e Lartë, Ligji i Nëpunësit Civil dhe Reforma Parlamentare, tre kushte të Bashkimit Europian, që mbaheshin peng nga Kryemashtruesi i Sektit ‘Rilindje’. Në 30 maj 2013, isha po unë që e detyrova Kryemashtruesin e Sektit ‘Rilindje’ t’i votonte në Kuvend: Ligji për Gjykatën e Lartë me 108 vota pro; Ligji i Nëpunësit Civil me 107 vota pro; Reforma Parlamentare me 108 vota pro”, shprehet Meta.
