Këto 3 muaj u vu re se nuk jemi kujdesur masivisht, për të mos u infektuar nga Covid 19. Ky fakt vihet re në autobusë, ku shihen qartë më shumë se gjysma të jenë pa maska.
Po afron dimri. Nëse temperatura dhe lagështia nuk do kishin ndikim, situata edhe në vijim do ishte lineare (numri i vdekjeve 0 deri 6 në ditë).
Por, duket se temperatura dhe lagështia kanë ndikim. Kjo vihet re në Çeki, etj., ku rastet janë shtuar dukshëm.
Gjasat janë që të kemi një shtim të Covid edhe tek ne. Por pse ndodh kjo?
Deputeti i Partisë Socialiste, Besnik Baraj shpjegon: “Lagështia (piklat e ujit që qëndrojnë pezull) apo grimcat shumë të vogla që emetohen nga makinat e favorizojnë jetëgjatësinë e Covid 19.
Ato shërbejnë si një “strehëz” ku Covidi jeton më gjatë, e për rrjedhojë dhe rritet shkalla e infektimit.
Piklat e lëngëta apo të ngurta nuk sedimentojnë, ato qëndrojnë pezull në ajër, në lartësinë e trupit tonë (gojës dhe hundës).
Ndaj, mundësisë së rritjes së infeksionit duhet ti përgjigjemi me masa kujdesi, që këshillohen në mbarë botën.
Efektin më të dëmshëm Covid 19 e ka në psiqikën tonë, ku çdo kollë, tështitje, etj., tërheq vëmendjen e njerëzve si simptoma Covidi.
“Vjeshta dhe dimri do i kenë të zakonshme këto veçori, ndaj të ruajmë ekuilibrin mendor dhe qetësinë, sepse edhe kafshët që mbahen në shtëpi kanë filluar të reagojnë kur dikush kollitet”, thotë Baraj.
