Mbrëmjen e së shtunës, policia italiane e Compagnia di Riva ka sekuestruar 600 gramë kokainë në një banesë.
Pas disa vëzhgimesh të njëpasnjëshme të zonës së Rovertos është pikas një 36-vjeçar shqiptar, të cilin policia vendosi ta kontrollojë, raportojnë mediat italiane.
Si rezultat u zbulua se ai nuk ishte i pajisur me dokumente të rregullta për të qëndruar në Itali.
Ata më pas vazhduan kontrollet në një apartament ku qëndronte një 49-vjeçar. Qeni i njësisë Guardia di Finanza zbuloi një sasi kokaine në një sirtar. Nëse do dilte në treg kokaina kapte vlerën e mbi 60 mijë eurosh.
Gjatë kontrollit, u gjet gjithashtu materiali i përdorur për paketimin e substancës dhe disa gramë hashash.
Të dy u arrestuan dhe hetimet e mëvonshme zbuluan se shtetasi shqiptar ishte regjistruar me identitete të ndryshme në Itali./ Panorama
