Cristiano Ronaldo ka befasuar opinionin publik botëror me deklaratën e fundit se mund të luajë Botërorin e fundit në vitin 2022.
Përpara sfidës me Francën, e cila po luhet aktualisht, ylli portugez i futbollit u shpreh se mendon të luajë për herë të fundit një Kupë Bote, e cila sipas tij do të jetë edicioni i Katarit pas dy vitesh.
“Shumë mirë për mua. Pres që Katari 2022 të jetë edicioni i fundit të Kupës së Botës që unë luaj. Shkoj shpesh me pushime në Katar dhe në Dubai. Jam i lumtur sepse do të jetë Botërori im i fundit që luaj”, u shpreh fituesi i 5 herë fituesi i “Topit të Artë”.
Në karrierë Ronaldo ka luajtur 4 Botërorë (2006, 2010, 2014 dhe 2018).
