Ditën e sotme janë luajtur plot 20 ndeshje në Ligat A, B dhe C në Ligën e Kombeve.
Sfidat më interesante padyshim ishin në Ligën A, aty ku bëjnë pjesë edhe skuadrat më të mira të kontinentit europian.
Kryendeshja e ditës ishte ajo mes Francës dhe Portugalisë, takim që u mbyll në barazim 0-0. Anglia e drejtuar nga Southgate mposhti 2-1 Belgjikën në një ndeshje tepër të luftuar.
Sukses arriti edhe Kroacia e cila mposhti 2-1 Suedinë. Ndërkohë Italia, u ndal në një barazim pa gola në trasnfertë kundër Polonisë.
Në Ligën B, ra në sy fitorja e thellë 4-0 e Norvegjisë kundër Rumanisë, dhe humbja në shtëpi e Serbisë kundër Hungarisë me rezultatin 0-1.
Interesi i tifozëve shqiptar në ditën e sotme, ishte e përqendruar në Ligën C aty ku bën pjesë Shqipëria dhe Kosova. Kuqezinjtë barazuan pa gola në transfertë kundër Kazakistanit duke zhgënjyer sërish. Grupi 4 i Ligës C i sheh skuadrat me pikë të barabarta me nga 4 përkatësisht Kazakistani, Shqipëria, Bjellorusia dhe Lituania.
Në krahun tjetër, Kosova mori humbjen e radhës, këtë herë u mund 0-1 ndaj Sllovenisë. Në tre ndeshjet e para, “Dardanët” ende nuk kanë arritur të shijojnë fitoren, teksa kanë humbur 2 ndeshje dhe barazuar një.
Të gjitha rezultatet e ditës së sotme në Ligën e Kombeve:
