Rreth 10 punonjës të uzinës së përpunimit të thellë të naftës në Ballsh kanë hyrë në ditën e 14 të grevës së urisë.
Gjendja shëndetësore e grevistëve është rënduar së tepërmi, por nga qeveria nuk ka asnjë reagim edhe pse dita e djeshme u shoqërua me një protestë masive ku naftëtarë dhe qytetarë marshuan në rrugët e qytetit.
Mesohet se gjate natës, dy prej grevistëve kane paraqitur probleme shendetësore, por e kanë refuzuar ndihmën mjekësore.
Grevistët thonë se janë të vendosur për të vazhduar grevën e urisë.
Të hënën do të ketë një tjetër protestë, ndërsa u deklarua se nëse nuk gjendet zgjidhje do të heqin fëmijët nga shkolla e do të marshojnë drejt sheshit përpara Bashkisë, duke bllokuar institucionin dhe rrugën kryesore.
