Një vajzë adoleshente në moshë ende të mitur akuzon shoferin e autobusit urban ku ka udhëtuar, se e ka ngacmuar atë seksualisht.
Ngjarja u denoncua në Selanik, nga një 16 vjeçare e cila i tha policisë lokale se është përballur me gjendje frike dhe ankthi nga abuzimi i shoferit 30 vjeçar të urbanit të qytetit.
Adoleshentja bëri këtë raportim kallëzimi penal në polici:
“Unë kisha hipur në autobus për të shkuar në pjesën tjetër të qytetit, këtu në Selanik. Kur pasagjerët e tjerë dolën në stacionet e ndryshme, u duk se autobusi ishte zbrazur.
Në ato momente, teksa mjeti ishte ndalur pranë një stacioni, shoferi del nga kabina e tij, zbërthen zinxhirin e pantallonave dhe erdhi drejt meje duke nxjerrë organin e tij gjenital.
Vajza i tha policisë se në këto rrethana është trembur dhe ka nxituar të dalë me vrap nga autobusi.
Pas denoncimit, policia gjeti dhe shoqëroi shoferin e autobusit. I riu pranoi se kishte bërë një veprim të tillë, por tha se e gjitha ndodhi gabimisht, pa mendimin për të abuzuar seksualisht me të miturën. 30 vjeçari kërkoi falje për aktin e kryer.
Gjykata çmoi se i riu nuk po gënjen dhe se ishte penduar dhe vendosi ta lërë të lirë. (Foto kryesore, arkiv. Fotot në lajm, nga autobusët në Selanik dhe stacioni ku ndodhi ngjarja).
